గుండెపోయింది…



గుప్పెడంత గుండెకి ఏమైందో పడిపోయింది
ఎంత వెతికినా సరే ఆచూకీనే తెలియకుంది
అదేమని అర్థం చేసుకుని నిర్ణయించుకుందో 
ఏ అవసరం లేదనుకుని వదిలేసిపోయింది!

ఎక్కడ ఎలాగుంటుందో ఏమోనని బెంగగుంది
ఆకలేసినా అడగలేని అమాయక అల్పప్రాణది
ఎండావాన తట్టుకోలేనిది ఒంటిరిగా ఎలాఉందో
హఠాత్తుగా వెళ్ళాలి అనుకుంది వెళ్ళిపోయింది!

ఊపిరే నాకది ఎవరినెలా అడిగి తెలుసుకునేది
చితికిందో చిరిగిందో చిల్లుపడిందో తెలియకుంది 
ఎక్కడెక్కడ తిరిగి ఎన్ని అవస్థలు పడుతుందో
నలుపురంగు నచ్చక రంగుల్లో కలిసిపోయింది!

ఆశలు ఆశయాలని అణచివేసుకున్న ప్రాణమిది
గతంలో నన్ను ఒదిలేసి భవిష్యత్తు వెతుక్కుంది
ముతకదారంకన్నా పట్టుకుచ్చు మోజనిపించిందో   
విసుగని వేసారిపోయి నిశ్శబ్దంగా నిష్క్రమించింది!

చిన్నిగుండెకేం తెలుసునని భావవలలో నేచిక్కింది
వడగాలికొదిలి వయసుగాలి దొంతర్లో దొర్లిపోయింది
నాజూకు గుండె నన్ను నమ్మి లాభంలేదనుకుందో 
గుణపాఠం వల్లిస్తూ జీవితమే జీవచ్ఛవమయ్యింది!

24 comments:

  1. మీ గుండె పోయిన విషం తెలిపి
    మా గుండెను తడిపేసారు...
    Very heart touching

    ReplyDelete
  2. గుప్పెడంత గుండెకు ఎన్ని తిప్పలో కదా..

    ReplyDelete
  3. emotional feels are touching mam

    ReplyDelete
  4. లోకంలో ఇలాంటి విద్యార్ధులు ఎందరో
    ఇంకెన్ని చాప్టర్లు చదవాలో
    మరెన్ని నైట్ అవుట్లు చేయాలో
    ప్రేమ పరీక్షలో ఉత్తీర్ణతకి...

    ReplyDelete
  5. గుప్పెడంతే ఉంటుంది కానీ శరీరం మొత్తానికి ఆయువు పట్టు గుండె. ప్రస్తుతం పరిగెడుతున్న ప్రపంచంలో మనిషి జేబులు నింపుకునే యుద్ధంలో ఆరోగ్యాన్ని అటకెక్కిస్తున్నాడు లేదా ప్రేమా దోమా అంటూ ప్రక్కదారుల్లో గుండెను ఇబ్బంది పెడుతున్నారు. గుండె లేకపోతే ఇంక జీవి బ్రతికి ఏం లాభం చెప్పండి. అందుకే బద్రం మీ గుండె.

    ReplyDelete
  6. గుండె పడిపోయినా నిబ్బరంగా ఉండడం ఎలాగో చెప్పు నేస్తం.

    ReplyDelete
  7. గుండెల్లో ఏదో సడి ఉండుండీ ఓ అలజడి.

    ReplyDelete
  8. గుండెల్లో ఎన్నెన్ని భావాలు నిక్షిప్తపరిచారో
    బరువెక్కిందేమో మోయలేక వెళ్ళిపోయింది
    బయట వీధిలో కష్టాలు దెబ్బలూ తగిలితే
    అది మీరే శరణమని వచ్చి ఒదిగిపోతుంది

    ReplyDelete
  9. ఈ మనోజ్ఞ హృదయం "భావ" వలలో చిక్కినట్లయితే చక్కదనమే...!
    ఎటొచ్చి ఏ మాయదారి "బావ" వలలో చిక్కితేనే చచ్చేంత చిక్కు..!

    ReplyDelete
  10. గుండె పోయిన దిగులు చిత్రంలో ప్రస్ఫుటంగా కనబడుతుందండి




    ReplyDelete
  11. Fantastic touching words

    ReplyDelete
  12. ఎక్కడికి పోదు మీరు ప్రేమించి వారి నుంచి భద్రంతో తిరిగి వస్తుంది

    ReplyDelete
  13. ఈ ప్రేమ వ్యహారమే ఇంత
    గుండె ఉన్నవారు ప్రేమించి
    ఆపై గుండె తమ గుండెను
    ఎదుటి వారికి అప్పగించి
    గుండె లేకపోతే పోయెనని
    బ్రతికి కూడా చస్తుంటారు..

    ReplyDelete
  14. రెండు మనసున పెనవేత ప్రేమంటే
    గుండె పోతే ప్రేమ చచ్చిపోవడమే కాదు ప్రాణం పోయినట్లే కదా!

    ReplyDelete
  15. ఆశలు ఆశయాలని అణచివేసుకున్న ప్రాణమిది.

    ReplyDelete
  16. మీ గుండె మీలో పదిలం...బెంగ పడకండి మేడం.

    ReplyDelete
  17. గుండె చిన్నిదే కానీ చెప్పలేనన్ని భాధలు అండ్ భావాలు.

    ReplyDelete
  18. పోయిందని కంప్లెయింట్ ఇచ్చారా?

    ReplyDelete
  19. హృదయం అనేది ఇచ్చిపుచ్చుకునే భాంఢాగారం. ఎంత పెట్టుబడి పెడితే అంతే లెక్కసరిగా మనం పొందగలం. ఎవరికి ఉన్న భయాలు వారిని ఆందోళనకు గురి చేసినప్పుడు ఎదుటివారిని బాధ పెడతారు అనిపిస్తుంది.

    ReplyDelete
  20. గుండెపోతే... కవిత ఎలా రాసారు?

    ReplyDelete
  21. పోయిన గుండెతో గుబులుపడి రిప్లైస్ ఇస్తే ఏదో రాయబోయి ఏమో రాస్తే...అందుకే అందరికీ అర్పిత నమస్కరిస్తుంది. _/\_

    ReplyDelete
  22. lovely.. very heart touching

    ReplyDelete